نئيله رَم گولزاري کيم، سن گولوزاريمسان منيم،
سونبولوم، سرويم، گولوم، بايم، باهاريمسان منيم.
دولسا عالم یاخشیلارلا ايسته مَم، زيرا کي، سن
یاخشیلاردان، سئوديگيم، زيبا نيگاريمسان منيم.
گاه آليرسان جانيمي، گاهي وئريرسن جان منه،
سن مگر کيم، ائي بوتي-طنناز، تاريمسان منيم.
گلمه نَشیم اوسته وئرسم حصرتيندن جان اگر،
غئيريلر تا اولماسين آگه کي، ياريمسان منيم.
باشيمين تاجي قوباري-مقدميندير، ائي صنم،
سن سريري-عیززت اوزره تاجداريمسان منيم.
سئيييدي-سرگشته تک ميسکين گدايم، لئيک سن،
سروريم، شاهيم، پناهيم، هر نه واريمسان منيم
نه بو گون بزمده ياريم، نه مئييم وار منيم،
سئيري-گولزارده بيهوده نه ييم وار منيم؟
سيزي تانري يئتيرين پيري-خراباتا مني
کي، بو گون ساقي اليندن گيلئييم وار منيم.
... منه معجوني-مئيي-لعلي دوادير، ساقي،
کي غمي-هيجر ايله جيسميمده کئييم وار منيم.
جان سنين، جيسم سنين، امر سنين، فعل سنين،
جومله سنسن، بو آرادا دئ نه ييم وار منيم؟
مني سئيييد کيمی چک گوشه مئيخانه لره؛
آرتيرير غم دخي مسجيدده نه ييم وار منيم؟
*
من اؤيله بيليرديم کي، منه يار اولاجاقسان،
عالمده منه ياري-وفادار اولاجاقسان.
من اؤيله خيال ائتميش ايديم ائي گولي- رعنا،
سربسته اولان غملره غمخوار اولاجاقسان.
اووَل ائله ييب مئهرو محبت منه، آخير
مندن، نه بيليم کي، بئله بيزار اولاجاقسان.
رؤوشن ائله ديم شمعی - جمالين، نه بيليم کي،
اغياره گئديب شمعی شبي-تار اولاجاقسان.
ديل وئرمز ايديم من سنه، ائي ياري-ديل آزار،
بيلسَيديم اگر بؤیله ديل آزار اولاجاقسان.
سرمستی مئيي-حوسن و صفاسن هله، ائي گول،
اول وقت کي، حوسنون گئده هوشيار اولاجاقسان.
مغرورسن، ائي گول، خبرين يوخدور اؤزوندن،
اَيامي- خزان گلسه خبردار اولاجاقسان.
خوار ائيله دي اول گول سني اغيار يانيندا،
سئيید، هله بوندان دخي سن خوار اولاجاقسان
*
ائي گول، سنه اووَلده خريدار من اولدوم،
آخير نظرينده هاميدان خوار من اولدوم.
بير کعبه ايدين، هيچ زيارت ائده نين يوخ
گلديم دولانيب باشينا زووار من اولدوم
هر بيلهوسه ايندي نصيب اولدو ووصالين
سئييد کيمي هيجرانه گيريفتار من اولدوم
*
امه رَم لبلريني تا نه فه سيم وار منيم
طوطييم شککره ائي گول هوه سيم وار منيم
بيکسم عالم آرا، درد و غميندن اؤزگه
نه هاوادار و نه ياور، نه کسيم وار منيم
ائتميشم گرچي بو گون عالمي ناسوتي وطن
ائي کؤنول بؤيله دئييل، پيش و پسيم وار منيم
مؤوتي-جيسماني ايله سانما منيم اؤلمه یيمي
سئييدا، اؤلمزم، عالمده سسيم وار منيم
*
دونيادا عشق قدريني هوشيار اولان بيلير
آزاده ليک صفاسيني بيدار اولان بيلير
خورشيد قدريني نه بيلير هوشي کورلر؟
بو فيضي- نوري، صاحيبي ابصار اولان بيلير
عاشيق چکن قارا گونو اَيامي-هيجريده
سئودايي زولفون ايله گونو تار اولان بيلير
چئشميندن اؤزگه حالي-ديليم کيمسه بيلمه يير
بيماريلر بلاسيني بيمار اولان بيلير
من چکديگيم بلالري ائي سئييدي- حزين
دردي- فراقي ياره گيريفتار اولان بيلير
*
نولا دیل بیلمه سه رمزی- روخی جانانی دوروست؟
کیمدیر اول کس کی بیله معنیی قورآنی دوروست؟
بولبول اؤوصافی اوزون قیلدی مگر گولشنده؟
قالمادی باغیده بیر غؤنچه گَریبانی دوروست
بیر گئجه حؤسنونه اوخشاتدی اؤزون آی، اودو کیم
ائله بیر یانی شیکسته اولو، بیر یانی دوروست
دئمه سئید، کی شیکست ائیله دی پئیمانینی یار
هیچ بیر یار اولورمو اولا پئیمانی دوروست؟
*
دوستلر من گؤرَن اول دیلبری- زیبا کیم ایدی؟
داغیدان گول اوزونه زولفی- موطررا کیم ایدی؟
من کی، بیهوش دوشوب گؤرجک اؤزومدن گئتدیم
سیز کی هوشیاریدیز، اول عافتی دونیا کیم ایدی؟
دوستلر دون گئجه کیم مستی- مئیی وحدت ایدیک
اول بیزه ساقی اولان یاری- دیل آرا کیم ایدی؟
دولدو انواری- محببتله یئنه سینه بو گون
گؤسته رَن وادیی- سیناده تجلا کیم ایدی؟
نئچه گون عالمی- ناسوته گلیب اولدو موقیم
حئیف کی، بیلمه دیلر، سئیدی- روسوا کیم ایدی!
